Këngëtarja Era Istrefi ka shumë kohë që nuk është aktive në Instagram. Mirëpo komentet që kanë vërshuar në foton e saj të fundit në Instagram që i përket datës 14 dhjetor 2019 i kanë hutuar fansat e këngëtares.
“Pusho e qetë engjëll”, “R.I.P”, e të tjera komente të ngjashme janë vetëm disa prej atyre se çfarë kanë shkruar komentuesit në postimin e fundit që Era e ka hedhur në këtë rrjet social në muajin dhjetor.
Mesa duket, këto komente vinë për shkak se këngëtarja nuk “është bërë e gjallë” që prej muajit dhjetor.
Fatmirsisht këngëtarja është shumë mirë me shëndet dhe asgjë nuk ka ndodhur.
“Lajmi.net” ka kontaktuar me Nora Istrefin, e cila është shprehur se në këto lajme nuk ka asgjë të vërtetë dhe se motra e saj është shëndoshë e mirë. Vetë Era nuk ka reaguar akoma për të sqaruar një herë e mirë situatë.
