President i zonës së Lombardisë në Itali, Attilio Fontana, ka deklaruar se është e mundur që ndeshja mes Juventusit dhe Interit mund të luhet me tifozë.
Qeveria Italiane vendosi që gjashtë ndeshjet këtë fundjavë të luhen me dyer të mbyllura për shkak të përhapjes së Coronavirusit, por Fontana zbuloi se situata do të vëzhgohet deri të shtunën.
“Shpresoj që nga dita e sotme të ketë një ngadalësim të përhapjes së virusit pasi dhe unë dua ta shikoj nga stadium ndeshjen. Po e monitorojmë situatën. Jam shumë i qetë”.
“Nuk kam dyshime për përfundimin pozitiv të situatës. Gjithsesi situata duhet shikuar, do të shikojmë dri të shtunën pastaj do të vendosim”. – ka thënë ai për “RTL 102.5”.
