Avokati Altin Goxhaj përmes një postimi në rrjetet sociale, shkruan se tërheqja e Edi Ramës dhe Erion Veliajt nga projekti “Fusha” per Teatrin Kombëtar, nuk është fitore për artistët, por një strategji e re edhe më e rrezikshme akoma si për shembjen e Teatrit, ashtu edhe për grabitjen pronës publike.
“Unë dyshoj te e ashtuquajtura “Fitorja e Teatrit” që u reklamua dje me shumë entuziazëm nga aktivistët dhe opozitarët!
Pika e dobët e Ramës dhe Veliajt në planin e tyre të parë për prishjen e Teatrit Kombëtar dhe grabitjen e pronave publike me kompaninë Fusha ishte pikërisht Kompania Fusha! Ajo i diskreditonte si një bandë mafioze që kishte kaluar vijen e kuqe edhe në sytë e ndërkombëtarëve (se për këta tanët nuk do të dijë kush Lart)!”, shkruan Goxhaj.
Sipas Goxhajt, skema e re e Veliajt dhe Ramës, rrëzon akuzat për korrupsion, dhe mbetet vetëm memoria historike.
“Tani nuk ka as Fushe, as Mal e as Kodër: “Shteti për interes publik me paratë e shtetit do të ndërtojë një Teatër të ri modern që këtë vit dhe për pasojë brenda vitit 2020 do ta prishë Teatrin e vjetër” deklaroi Veliaj po dje!”, citon Goxhaj, në postimin e tij.
Në këtë kuadër, Goxhaj shkruan se “Rama dhe Veliaj kanë dorë 100% të lirë të bëjnë çfarë të duan me Teatrin se nuk është pengesë diskreditimi i aktit korruptiv që shkon deri te pastrimi i parave të drogës!”
