Kreu i Grupit Parlamentar socialist, Taulant Balla, u shpreh se Presidenti Ilir Meta se ka humbur sjelljen Kushtetuese dhe normale për të vijuar të jetë në Krye të Shtetit.
Balla madje ka ironizuar Metën me fabulën “Dhelpra dhe rrushtë” lidhur me mundësinë e Kreut të Shtetit për të shpërndarë Parlamentin.
“E dini përrallen “Dhelpra dhe rrushtë”? Përgjigjen e keni aty nuk jap asnjë koment kundrejt një presidenti i cili tashmë ka humbur çdo lloj sjellje kushtetuese dhe normale për të vijuar për të qënë presidenti i Republikës”, tha Balla.
Për Ballën, Meta ka probleme përsa i takon lidershipit të opozitës, ndërsa i sugjeron që këto probleme t’i zgjidhë pa zhurmë brenda opozitës, pa shqetësuar qytetarët.
Ndërkohë lidhur me Kongresin e PS-së që do të mbahet në fund të muajit, Balla tha se situata e koronaviruesit nuk e pengon.
“Ne jemi në një sallë të mbullur dhe punimet e Kongresit do të zhvillohen normalisht. Masat janë marrë prej kohësh nga institucionet shqiptare lidhur me virusin në fjalë”, tha Balla.
