Kreu demokrat, Lulzim Basha, pas takimit me ekspertë të shëndetësisë, tha në një komunikim me mediat se sot është koha që sot të flasin mjekët dhe specialistët lidhur me koronavirusin.
Basha kërkoi hartimin dhe shpërndarjen e një plani të detajuar se si duhet reaguar.
“Nuk është koha për propogandë, qeveria dhe institucionet duhet të veprojnë në mbështetje të mjekëve dhe ekspertëve.
Vendi ynë ka ekspertë të zotë që mund të menaxhojnë një situatë nëse i jepet mbështetja nga institucionet.
Qytetarë mos neglizhoni asnjë shenjë dhe bashkëpunoni me institucionet shëndetësore.
Autoritetet të informojnë qytetarët në mënyrë transparente lidhur me masat dhe hapat që duhen ndjekur”, tha Basha.
Ai shtoi se PD është e gatshme që të ndihmojë me ekspertët e saj në çdo situatë.
