Roma sfidon sot në “Olimpico”, ora 18:00 skuadrën e Lecces, ndeshje kjo e vlefshme për raundin e 25-të të Serisë A.
Trajneri i Romës, Paulo Fonseca pritet të bëjë disa ndryshime për ndeshjen e sotme kundër Lecce pas fitores 1-0 kundër Gentit në Europa League.
Portën do të mbrojë, Pau Lopez. Chris Smalling pritet që të formojë dyshen e mbrojtjes me Federico Fazio, me Gianluca Mancini i cili do të kalojë në pankinë.
Mesfusha e Romës pritet të përbëhet nga Bryan Cristante dhe Jordan Veretout. Henrikh Mkhitaran besohet se do të aktivizohet përpara Cengiz Under dhe Carles Perez, ndërsa Justin Kluivert dhe Lorenzo Pellegrini pritet të luajnë pas sulmuesit Edin Dzeko.
Lecce ndërkohë janë në gjendje të vështirë në repartin e sulmit. Fabio Liverani do të duhet të bëjë pa Fillippo Falco, Diego Farias, Riccardo Saponara dhe Khouma Babacar.
Në portë do të startojë Mauro Vigorito. Ndërsa mbrojtja dhe mesfusha e Lecces pritet të mos ketë ndryshime që nga fitorja 2-1 kundër SPAL fundjavën e kaluar. Yevhen Shakhov pritet të vijë si një zëvendësim për Falco, me Gianluca Lapadula që do të luajë si sulmues i vetëm.
Formacionet e mundshme:
Roma (4-2-3-1): Pau Lopez; Bruno Peres, Smalling, Fazio, Kolarov; Cristante, Veretout; Mkhitaryan, Pellegrini, Kluivert; Dzeko.
Lecce (4-3-2-1): Vigorito; Donati, Lucioni, Rossettini, Calderoni; Majer, Deiola, Barak; Mancosu, Shakov; Lapadula.
