Ministri i Brendshëm Sandër Lleshaj paralajmëron Presidentin e vendit Ilir Meta, se ka ardhur koha që funksionimi i institucionit të presidentit duhet të kornizohet me ligj. Në një reagim në Twiter, ministri i Brendshëm duke marrë shkas nga vendimi i Presidentit për të grumbulluar qytetarët në një tubim në datë 2 mars, me qëllim dhënien fund grushtit të shtetit që sipas tij është duke ndërmarr shefi i qeverisë, shprehet se e sheh me dhimbje një situatë të tillë ku ndodhet kreu i shtetit. Më tej Lleshaj njofton se Policia e Shtetit do të garantojë tubimin e thirrur nga presidenti, ndërsa e quan atë njeri me çrregullime mendore.
Postimi i plotë
Koha për të kornizuar me ligj funksionimin e institucionit të Presidentit! Prej 20 vjetësh diskutohet dhe harrohet. Por siç po duket deri në dhimbje tanimë, ideja se kreu i shtetit është individ i vetërregullueshëm, ka vdekur! Republika Parlamentare nuk diskutohet, respektohet.
Fakti që Policia e Shtetit duhet të hyjë në historinë e planetit si e para polici në botë që garanton tubimin antiqeveritar të kreut të shtetit, flet më shumë se një miliardë fjalë për çrregullimin e skajshëm të zotërisë që e ka kthyer Presidentin në një absurditet folklorik.
