Federata Europiane e Atletikës në anketën e saj të përmuajshme, ku morën pjesë mbi 34 mijë votues, ka shpallur atletin dhe atleten më të mirë të muajit janar, ku për kategorinë e femrave ky çmim i shkoi atletes sonë, Luiza Gegës.
Në anketën e kryer nga EAF, Gega grumbulloi 5862 vota, duke lënë pas ukrainasen Mahuçik me 5653 vota dhe suedezen Bengston me 3848 vota. Në kategorinë meshkuj, çmimin e parë e mori zvicerani Uanders me 4371 vota.
Një arritje e madhe kjo e 31-vjeçares, duke pasur parasysh konkurrencën e egër në kontinentin e vjetër.
