Një 62 vjeçar nga Vau i Dejës ka pësuar djegie të rënda si pasojë e shpërthimit të bombolës së gazit. Mësohet se i dëmtuari i cili është në gjendje të rëndë, është nisur drejt Spitalit të Traumës në kryeqytet për të marrë mjekim të specializuar.
Sipas të dhënave të para të policisë bëhet e ditur se ngjarja ka ndodhur në fshatin Stajkë. Për të shuar zjarrin e përhapur nga bombola kanë ndërhyrë disa persona, por në pamundësi të neutralizimit të flakëve, pronari i banesës është dëmtuar rëndë.
Njoftimi i policisë
Më datë 13.02.2020, rreth orës 20:30, në fshatin Stajke, Vau i Dejës nga pakujdesia ka marrê zjarr bombula e gazit në banesë. Në përpjekje për të shuar zjarrin shtetasi F. L. 62 vjeç, ka pësuar djegie të rënda, i cili po dërgohet për mjekim më të specializuar në Spitalin e Traumës Tirane.
Po kryhen veprimet me grup hetimor për sqarimin e rrethanave të ngjarjes.
