Policia e Vaut të Dejës ka arrestuar sot një 70-vjeçar në fshatin Kosmaç, pasi gjatë kontrollit iu gjetën 1 678 fara të dyshuara kanabisi.
Sipas njoftimit zyrtar të Policia e Shtetit, arrestimi u krye në kuadër të operacionit të koduar “Seeds”.
I dyshuari, Xhevdet Mali, u kap në flagrancë në ambientet e lokalit të tij, ku ishin fshehur farat e lëndës narkotike.
Policia bëri me dije se operacioni u realizua falë informacioneve të siguruara në rrugë operative, të cilat çuan në identifikimin dhe arrestimin e autorit të dyshuar.
