Joao Felix ka ndarë përshtypjet e para të tij në momentin kur ka takuar legjendën portugeze Cristiano Ronaldo.
Lojtari i Atleticos së Madridit, në intervistën me “Eleven Sports”, ka deklaruar kishte ngelur i shtangur në takimin e parë, pasi ishte mësuar ta shikonte atë vetëm në televizor.
“Gjithmonë isha mësuar ta shihja atë në televizor. Kur e takova atë, më dukej se ishte tre metra i gjatë”.
20-vjeçari foli edhe për takimin që skuadra e tij do të luajë kundër Liverpoolit për fazën e 1/16-ve të Ligës së Kampioneve. Në lidhje me këtë sfidë, ai ka thënë:
“Liverpooli siç çdo kush e di është në një formë të shkëlqyer. Ata janë kampionët në fuqi dhe do të jetë shumë e vështirë. Mendoj se ata janë kundërshtari më i vështirë që mund të kishim përballë”.
