Një 35-vjeçare, kalimtare e rastit, u plagos mbrëmjen e djeshme në Shkodër. Pak orë më pas dy shpërthime të njëpasnjëshme ndodhën në të njëjtin qytet, ku objektiv ishte banesa e familjes Arraj, fatmirësisht ka shkaktuar dëme në njerëz, pasi familjarët jetojnë jashtë vendit.
Ngjarjet kriminale kanë bërë që gazetarët të mblidhen para komisariatit të Shkodrës për të kërkuar informacione, por janë përballur me arrogancën e një prej zyrtarëve të policisë.
“Mu zhdukni nga këtu”, iu drejtua zyrtari gazetarëve të pranishëm, momente që janë regjistruar dhe më pas janë shpërndarë në rrjetet sociale.
Gazetari Bepin Kolvata ka denoncuar sjelljen e zyrtarit të policisë, ndërsa shkruan në rrjet “të na rrojë KÇK dhe OFL”.
“Ky është komunikimi i Policisë së Shtetit dhe imazhi që përcjell një drejtues i lartë i kësaj strukture.
“Mu zhdukni” janë fjalët që ju drejtohet gazetarëve dhe vartësve të tij. Ai paguhet me paratë tona dhe i është besuar rendi e siguria, por flet me një zhargon që bën pis uniformën dhe turpëron shtetin. Të na rroje KÇK dhe OFL!”, shkruan gazetari.
