Një 32-vjeçare, e identifikuar si Luciana Paula Figueiredo, është arrestuar pasi u filmua duke tentuar të mbysë nënën e saj, 68-vjeçare.
Ngjarja ndodhi në Sao Luis, Brazil. Luciana u filmua në spital, ndërsa qëndronte sipër nënës, Ana Benedita Figueiredo, dhe i mbante dorën mbi gojë e hundë.
Pamjet u realizuan nga pacientët e tjerë që ishin të pranishëm. Mediat lokale raportuan se ajo u arrestua në vendngjarje dhe nëna u dërgua për trajtim mjekësor.
Ana Benedita ndodhet në spital që nga 19 janari pasi pësoi një emboli pulmonare.
Burime nga Policia Civile thanë se hetimet fillestare tregojnë që vajza dëshironte të vriste nënën e saj e sëmurë sepse ishte lodhur duke u kujdesur për të.
