Shemsi Prençi, këshilltar pranë Presidentit Ilir Meta, ka bërë një deklaratë të fortë mbrëmjen e së hënës në emisionin “360gradë” në RTV Ora, ndaj ministrit të Brendshëm, Sandër Lleshaj.
Prençii kërkoi Lleshajt që të dalë publikisht dhe të thotë se kush e vrau Kastriot Reçin në Rrëshen.
“Duhet ta pyesim publikisht ministrin Lleshaj kush fshihet pas konfliktit që ka pasur kushëriri i nuses, i bashkëshortes së ministrit. Të dalë t’ia thotë publikut ose të zbulojë kush e ka bërë vrasjen.
Bashkëshortja e ministrit të Brendshëm është kushërira të ndjerit, e ish-drejtorit të OSHEE, që ka qenë në konflikt me Reçët. Ta zbulojë vrasjen zoti ministër, ose të dalë publikisht. Atëherë do të jetë i besueshëm ministri për udhëheqjen e anti-KÇK, ose është pjesë e saj. Të thotë se çfarë i kanë thënë Reçët ministrit nëse ai nuk del dhe ta thotë nuk duhet ta marrë përsipër anti-KÇK-në”, u shpreh ai.
Kastriot Reçi u ekzekutua me snajper në qendër të qytetit të Rrëshenit. Lidhur me ngjarjen policia nuk ka mundur të identifikojë autorin.
