Barcelona arriti një fitore të thellë 5-0 kundër Leganesit në ndeshjen e vlefshme për fazën e 1/16-ve të Kupës së Spanjës.
Në këtë ndeshje Lionel Messi realizoi 2 gola, ndërsa golat e tjerë u shënuan nga Griezmann, Lenglet dhe Arthur.
Ndeshja e mbrëmshme ishte e 710-ta e Messi-t për Barcelonën në të gjitha kompeticionet, ku ka fituar plot 500 sfida! Në shumicën e këtyre fitoreve, Lionel Messi ka qenë protagonist absolut, madje dhe në sfidën e djeshme.
131 sfida me Lionel Messin në fushë, Barcelona i ka mbyllur në barazim, ndërsa ka humbur vetëm 79. Argjentinasi është lojtari më i rëndësishëm për Barcelonën në 15 vitet e fundit dhe trajneri Setien, nuk e ka luksin ta lërë pushim as në ndeshjet e Copa del Rey.
