Valon Berisha do të largohet nga Lacio dhe do të firmosë në Bundesligën gjermane për Fortuna Dusseldorf.
Mësohet se dy klubet kanë arritur marrëveshjen për formulën e transferimit (huazim me të drejtë blerjeje në fund të sezonit) dhe në orët në vazhdim pjesëtari i përfaqësueses së Kosovës do t’u nënshtrohet vizitave mjekësore te skuadra e re.
Lacio e transferoi Berishën nga Salsburgu për 7.5 milionë euro, por mesfushori nuk i përmbushi për asnjë moment pritshmëritë.
Sigurisht që Fortuna e Dusseldorfit, në rast se do të bindet nga lojtari, do ta blejë për një shumë më të vogël se shifra shpenzoi para një viti e gjysmë për kartonin e tij.
