Një tjetër dëshmi tronditëse vjen nga landfilli i vdekjes në Sharrë, i cili administrohej nga kompania “3 R” sh.p.k koncesion ky i dhënë nga kryetari i Bashkisë së Tiranës, Erjon Veliaj. Dëshmia e siguruar ekskluzivisht nga boldnews.al hedh drit mbi mënyrën e punës skllavëruese në landfillin e Sharrës dhe konfirmon faktin se 17-vjeçari Ardit Gjoklaj ka punuar aty deri në orën 03:30 të mëngjesit të datës 7 gusht kur sipas prokurorisë është vrarë nga ekskavatori.
Dëshmitarja B. Z punëtore në katë landfill thotë se e ka filluar punën në orën 23:00 të mbrëmjes dhe aty ishte përgjegjës Dëfrim Hakrmama (një nga personat e arrestuar për vdekjen e Ardit Gjoklajt). Kjo shtetase ka punuar tek transportieri së bashku viktimën, ku Arditi ishte në fillim të makinerisë dhe pastaj ishte dëshmitarja. Ata kanë punuar deri rreth orës 03:00 të datës 7.8.2016. Në këtë orë ka ardhur burri i saj dhe ka marre atë dhe Arditin, ku kanë shkuar në Kombinat dhe ajo me burrin kanë pirë kafe në afërsi të stacionit të autobuzit, ndërsa Ardtiti i ka pritur në makinë. Pas kësaj janë nisur përsëri për në punë, ku burri i dëshmitares ka zbritur tek shtëpia, ndërsa makinën e ka marrë Arditi dhe mberritën në punë rreth orës 03:30.
Aty dëshmitarja dhe 17-vjeçari kanë takuan shtetasin Defrim Hakrama, i cili ju tha të fillonin punën, duke i thënë Arditit të punonte tek kanaçet, pasi nuk punohej me lopatë ngaqë po binte shi. Dëshmitarja i ka marrë leje përgjegjësit dhe ka qëndruar në makinë deri në orën 05:00 të mëngjesit. Pastaj ka shkuar tek paguret, duke hapur tapat, pasi transportieri lart nuk punonte dhe të gjithë punëtoret kanë punuar poshtë transportierit që pas orës 03:30 deri në orën 7.00 të mëngjesit.
Dëshmitarja B. Z thotë se e kishte parë për herë të fundit Arditin kur shkoi tek kanaçet dhe nuk e pa më. Në mëngjes këtë shtetase e kanë marrë familjarët e Arditit, të cilët i kanë thënë se Arditi nuk kishte shkuar në shtëpi. Këto fakte i ka konfirmuar edhe bashkëshorti dëshmitares, i cili ka qenë dhe ai i pranishëm kur kanë pirë kafe me shtetasin Ardit Gjoklaj.
