Drejtori i Arsimit në Dibër, Drini Gjeci akuzon se politika po ndërhyn në sistemin arsimor të zonës. PD lakoi emrin duke e akuzuar se po i kërcënon mësuesit me vendin e punës, nëse ata nuk votojne kandidatin e majtë. Drin Gjeci shprehet se ndërhyrja e politikës në arsim ka arritur deri në një telefonatë që kreu i PD, Lulzim Basha i ka bërë personit të tij.
“Mora gjatë ditëve të fundit një telefonatë nga Lulzim Basha. Kreu i PD tentoi të më intimidojë në kryerjen e detyrës sime”, shprehet Gjeci.
Në një deklaratë për mediat nga selia blu, deputeti demokrat Gent Strazimiri denoncoi sot drejtorin e Arsimit në Dibër, Drin Gjeci, i cili sipas tij thërret arsimtarët në zyrë, duke i kërcënuar me njoftime për largim nga puna, nëse nuk votojnë kandidatin e qeverisë. “Janë rreth 300 arsimtarë të kërcënuar deri tani”, u shpreh Strazimiri.
