Kapet sërish drogë nga Shqipëria në brigjet e Italisë. Në prangat e Guarda di Finanza ranë dy trafikantë italianë, të cilët po transportonin me skaf 400 kg marijuanë të blerë në në Shqipëri dhe që më pas do të shitej në shtetin fqinj.
Të arrestuarit janë Antonio Zecca 51 vjeç dhe Antonio Lococciolo 66 vjeç.
Operacioni u zhvillua gjatë mbrëmjes së të martës në Brindisi.
Policia u vu në ndjekje të trafikantëve në det.
Sipas autoriteteve italiane, vlera e drogës kap shifrën e 4 milionë eurove.
Hetimet janë në vazhdim për të zbuluar rrugët e trafikut të drogës, furnizuesit që besohet se janë shqiptarë dhe persona të tjerë të implikuar në këtë veprimtari kriminale.
