Kuvendi i kontrolluar tërësisht nga Kryeministri Edi Rama votoi sot dy ligjet që njihen si “paketa anti-shpifje”.
Partia Socialiste në zgjedhjet e fundit parlamentare mori 74 mandate, ndërsa 4 deputetë i përkasin PSD dhe PDIU-së, që kanë bashkuar votat gjithmonë me Rilindjen.
Por në seancën e sotme, edhe pse i mjaftonin votat e Rilindasve, për të miratuar paketën që censuron mediat online, por jo vetëm, edhe fjalën e lirë në tërësi, pati deputetë të asaj që vetëquhet si “opozita e re” që treguan bindjen ndaj Kryeministrit.
Kështu, sikundër raportohet, janë të paktën 5 deputetë që i bashkuan votat me Rilindjen, të cilët kanë hyrë në Kuvend pas dorëzimit të mandateve nga “opozita e bashkuar” dhe që ishin pjesë e listës shumë-emërore të LSI-së.
Deputetët që bashkuan votat
1- Ylli Shehu
2- Edmond Rrushi
3- Aurora Mara
4- Edjola Braha
5- Nimet Musai
