Pas Shkodrës, forcat RENEA kanë zbarkuar në qytetin e Kukësit.
Nga raportimet e para mësohet se ekipet e RENEA, të mbështetura nga FNSH dhe policia lokale, pritet të ushtrojnë kontrolle në këtë qytet për kapjen e personave me rrezikshmëri të lartë.
Nuk dihet nëse aksioni i RENEA-s është në bazë të informacioneve të raportuara nga policia lokale, apo në kuadër të një plani të hartuar për kontrolle të befasishme në qytete të ndryshme të vendit.
Fundjavën e kaluar RENEA ushtroi kontrolle në Shkodër, ku i gjithë operacioni përfundoi me ndalimin e një këngëtari, një balerine, një klienti në një lokal, si dhe administratorin e lokalit, me dyshimin se konsumohej lëndë narkotike.
