Dy shqiptarë dhe shoqëruesja e tyre bielloruse kanë rënë në prangat e policisë italiane tashmë të akuzuar për trafik dhe shpërndarje të lëndëvë narkotike.
Shqiptarët të moshës 26 dhe 37 vjeç, u ndaluan nga Karabinierët e Brenos, pasi kishin krijuar një organizatë të vogël të shpërndarjes së kokainës midis zonës së Breshias dhe Valle Camonica.
Gjatë operacionit, që nisi me një kontroll rrugor, u arrit të sekuestrohej një kg e gjysmë kokainë me vlerë tregu rreth 150 mijë euro dhe 25 mijë euro kash.
26 vjeçari kishte rënë në rrjetën e policisë, pasi ishte pikasur për lëvizjet e tij të shpeshta në Franciacorta, ku pushonte me familjen, ku në makinën e tij u gjet edhe sasia e lëndës narkotike.
