Një grabitje ka ndodhur mbrëmjen e kaluar në Berat. Një 44-vjeçar ka vjedhur përmes mashtrimit rreth 10 milionë lekë të vjetra, por është arrestuar nga policia, e cila i ka zbuluar dhe shumën e parave në banesë.
Në pranga ka rënë shtetasi Gentjan Mahmutaj, punëtor i një kompanie që tregton xhama në Berat.
NGJARJA:
Ditën e djeshme, 44-vjeçari kishte shkuar me furgon te disa klientë të kompanisë për të mbledhur detyrimet, të cilat ishin rreth 10 milionë lekë. Pasi kishte mbledhur detyrimet, ai i kishte thënë pronarit të kompanisë se persona të armatosur i kishin prerë rrugën dhe i kishin marrë paratë.
Ngjarja është denoncuar menjëherë në Komisariatin e Beratit, i cili nisi hetimet menjëherë. Pas verifikimeve, është zbuluar mashtrimi i 44-vjeçarit, i cili e kishte fshehur shumën e parave në banesën e tij.
Njoftimi i policisë:
Nga Specialistët e Seksionit për Krimet u bë arrestimi në flagrancë i shtetasit:
G.M, 44 vjeç, banues në lagjen Kushtrim.
Arrestimi i tij u bë pasi dyshohet se ka vjedhur shumën prej 1 milion lekë të reja, në automjetin e shtetasit R.K.
Shuma prej 1 milion lekë, u sekuestrua në cilësinë e provës materiale.
Materialet i kaluan Prokurorisë së Rrethit Gjyqësor Berat për veprën penale “Vjedhja”, parashikuar nga neni 134/3 i Kodit Penal.
LEXO EDHE:
I vodhi 1 milionë lekë në makinë, arrestohet 44-vjeçari (DETAJE)
