Trajneri i Liverpool-it, Jurgen Klopp, tregon se shkaku që nuk feston më golat është sistemi VAR.
Ditën e djeshme, Liverpool-it iu mohua një gol i Mane-s nga sistemi VAR, në fitoren 2-0 ndaj Watford.
Dhe pas ndeshjes lidhur me këtë rast, ka folur edhe trajneri i Liverpool-it, Jurgen Klopp, i cili tha se për shkak të VAR-it nuk feston më golat.
“Nuk e di se ku ishte pozitë jashtë loje, të jem i sinqertë. Nuk i festoj golat më sepse duhet të presësh derisa dikush konfirmon se është gol”.
“Nuk mendoj se kishte pozitë jashtë loje te goli i Sadio Manes. Nuk mund ta shihja. Por, nuk kam parë ripërsëritjen, kështu që nuk kam ndonjë ide” – tha ndër të tjera Jurgen Klopp.
