Një 45-vjeçar u arrestua nga policia e Fierit, pasi iu gjet një armë zjarri në automjetin që udhëtonte.
Në kuadër të operacionit “Mbrostari”, në vendin e quajtur “Ura e Mbrostarit”, policia ka ushtruar kontroll në automjetin tip “Audi” që drejtohej nga shtetasi D.S.
Gjatë kontrollit të automjetit, Policia gjeti dhe sekuestroi në cilësinë e provës materiale një armë zjarri pistoletë dhe 1 krehër me 12 fishekë.
Në përfundim të veprimeve të para hetimore, nga specialistët për Hetimin e Krimeve në Komisariatin e Policisë Fier u bë arrestimi në flagrancë i shtetasit D.S., 45 vjeç, banues në Vlorë.
Materialet i kaluan Prokurorisë pranë Gjykatës së Shkallës së Parë Fier për veprën penale “Armëmbajtje pa leje”.
