I ftuar në emisionin “Pressing”, në ABC News, ish-futbollisti i mirënjohur, Sulejman Starova, ka folur për atë që është tema e bisedave sportive në vend ditët e fundit, derbin e kryeqytetit.
Duke folur për diferencat me skuadrat, Starova deklaron:
“Nuk ka skuadër më të mirë, të gjitha janë të barabarta. Tabela e klasifikimit nuk na lejon të themi se cila skuadër është më e mirë. Ka diferenca të vogla, por nuk mund të themi se kush është më e mira”.
“Por Partizani është gjashtë pikë para, ka lojtarë shumë të mirë dhe janë mirë psikologjik. Ka një avantazh Partizani, pasi Tirana do të kërkojë me doemos fitoren, e sheh si ndeshje me gjashtë pikë dhe ky presion mund të ndikojë te Tirana”.
“Tirana mund të vuajë shumë nga kundërsulmet, ndërsa Partizani ka sulm shumë të shpejtë dhe mbyll mirë hapësirat mbrapa. Lerda do të jetë i kujdesshëm. Tirana i ka mbajtur më lart ekipet”– shtoi Starova.
