Ardian Dvorani, kryetar i KED-së, tha se ka dhënë shpjegime para prokurorisë lidhur me kallëzimin penal të depozituar nga Presidenti Ilir Meta kundër tij, me akuzën e shpërdorimit të detyrës dhe përvetësimin e detyrave i titullit.
Dvorani tha se ka dhënë shpjegime mbi atë që ka ndodhur në mbledhjen e KED-it, duke shtuar se do të jenë prokurorët që do të vlerësojnë lidhur me ecurinë e hetimeve.
“Nëse do të ketë ndjekje penale, atëherë ligji e parashikon qartë atë që ndodh, ndërprerjen e mandatit. Unë kam besim te drejtësia dhe as më shkon në mendje të ndërhyj.
Prokuroria duhet të bëjë veprimet e saj, unë kam detyrimin absolut të përmbush detyrimet e mia, si i vetmi anëtar i Gjykatës së lartë”, tha Dvorani.
Kreu i KED tha se nuk ka asnjë kompetencë për të penguar hetimet, ndërsa shtoi se nuk ka asnjë status të veçantë.
“Funksionarët kushtetues dhe publik nuk është mirë t’i shoqërojnë çështjet ligjore përmes filmave dhe lojërave, por nëse ka materiale apo prova që dëshmojnë shkeljet ligjore, të dërgohen pranë organeve të drejtësisë.
Nëse anëtari është në ndjekje penale, patjetër që pengohet të ushtrojë funksionin, nuk e çmojmë ne por mbledhja e këshillit.
Prokurorët janë duke kryer hetimet, kaq mund të them unë, nuk kam asnjë autoritet për të penguar hetimet. Kam dhënë shpjegime, nuk kam nevojë të paragjykoj në këtë moment, në këtë moment janë prokurorët që duhet të thonë fjalën e tyre përmes autoritetit të tyre.
Pasi jap shpjegime para atyre, të deklaroi mediatikisht se si do të sillen prokurorët me mua, është e pakuptimtë në kontekstin demokratik.
Si mund të mendoj unë a kam apo jo besim tek organet e drejtësisë, kjo është e pakuptimtë. Duhet të mësojmë të gjithë se ligji zbatohet për të gjithë dhe në mënyrë të barabartë. Unë kurrë nuk e kam menduar se jam I pandëshkueshëm para ligjit.
Të thuash u paraqita para prokurorit nuk është ndonjë arritje, ësthtë detyrim ligjor. Mua ky proces nuk më ka vendosur në asnjë detyrë të vështirë, kam detyrimin dhe kompetencat të bëjë detyrën në zbatim të funksionit që kam në Gjykatën e Lartë. Deri sat ë më lejohet ta ushtrojë detyrën do ta bëj deri në fund”, tha Dvorani.
