Shkrimtari Ismail Kadare do t’i nënshtrohet një ndërhyrjeje kirurgjikale. Ashtu siç edhe raportoi më herët Boldnews.al, shkrimtari i madh është shtruar me urgjencë në spitalin Amerikan numër dy, i transportuar me barrelë dhe nën masa të repta sigurie e privatësie.
Nga burime konfidenciale, Boldnews.al ka mundur të mësojë se Kadare është shtruar në pavionin urologjik të spitalit privat.
Ai ndodhej me pushime në Shqipëri dhe ka shkuar në gjendje shumë të rënduar në spital, ku është marrë menjëherë nën kujdes nga mjekët. Në dhomën ku është rehabilituar shkrimtari dhe ku është kryer vizita nuk është lejuar madje as stafi.
Pas vizitës mjekët kanë konstuar probleme urologjike dhe Kadare do t’i nënshtrohet një ndërhyrje kirurgjikale për prostatën.
Ai ka porositur stafin dhe mjekët që të mos lejojnë asnjë të afërm të hyjë përvç bashkëshortes së tij, Helenës.
(Boldnews.al)
