Ish-kryeministri Sali Berisha ka reaguar ashpër lidhur me vendimin e Qeverisë për dëmshpërblimin e familjarëve të viktimave të tërmetit.
Në një postim në rrjet, Berisha shkruan se “Edvin Mafia poshtëron të gjallët dhe fyen të vdekurit”!
“Ai llogarit viktimat për efekte dëmshpërblimi, njëlloj si Policia numrin e vrasjeve! Turp!”, shkruan Berisha. Ish-Kryeministri u bën thirrje qytetarëve të mos mashtrohen nga Rama, por të ngrihen kundër tij për ta hedhur në koshin e plehrave të historisë.
“Edvin Mafia dha një dëmshpërblim cinik dhe fyes prej 1 milionë lekë, por jo për çdo viktimë, por për familje. Pra u dëmshpërblyen njëlloj si një familje që humbi një njeri të dashur, ashtu dhe familjet që humbën 7 e 8 anëtarë nga tërmeti.
Ky është nje akt cinik dhe fyes për viktimat, sepse Edvini me amoralitetin e tij numëroi viktimat njelloj si Policia vrasjet. Për Policinë, vrasja në një ngjarje kriminale e 4 personave konsiderohet një vrasje dhe llogaritet jo si katër, por si një.
Këtë standart përdori Edvini për viktimat e tërmetit, që nuk mund ta bënte kurrë një njeri me një nonagramë njerëzi.
Përveç kësaj, 24 viktimat e Thumanës dhe disa nga ato të Durrësit janë vrasje e mirëfillte shtetërore pa dashje, pasi u neglizhua tërësisht nga narko-shteti, dëmtimi i pallateve nga tërmeti i 22 shtatorit.
Dënoj me ashpërsinë më të madhe qëndrimin e ulët, cinik, çnjerëzor ndaj viktimave të tërmetit të Edvin Mafisë dhe iu bëj thirrje qytetarëve të mos mashtrohen nga kreu u Meduzës, por të ngrihen sa më parë për hedhjen e tij në koshin e plehrave të historisë!”, shkruan Berisha.
