Kryeministri Edi Rama vijon sulmet ndaj mediave. Nga Shijaku, ku ka shkuar të inspektojë dëmet nga tërmeti, rreth dy javë pas goditjes me magnitudë 6.4 të Shkallës Rihter, Rama i ka krahasuar analistët me qenin.
I shoqëruar nga kryebashkiaku i Shijakut, dhe disa persona të veshur me jelekë portokalli, të ngjashëm me ato të grupeve të inspektimit, qetësinë e Kryeministrit e ka prishur një qen që filloi të lehte, sapo Rama u shfaq pranë derës së banesës.
Kryeministri ktheu kokën ndaj kafshës dhe iu drejtua të zotit të tij: “hiqe more atë analist, fute mrena analistin se na myti. Hiqe mor. Fute mrena”, iu drejtua Rama dhe filloi të ecte.
