Interi pret mbrëmjen e sotme në “San Siro” Barcelonën, ndeshje e vlefshme për javën e fundit të grupeve në Ligën e Kampioneve.
Grupi F ku bëjnë pjesë skuadrat, kryesohet nga Barcelona në kuotën e 11 pikëve, e cila ka siguruar kualifikimin dhe vendin e parë në grup. Ndërsa lufta bëhet më poshtë teksa në vendin e dytë dhe të tretë Interi dhe Borussia e Dortmund janë me pikë të barabarta, ku zikaltërit për shkak të golaverazhit mbajnë vendin e dytë.
Interi duhet me patjetër të fitojë ndaj Barcelonës për të siguruar kalimin më tej, duke pasur parasysh se në të njëjtën kohë luan dhe Borussia e Dortmundit në shtëpi ndaj vendit të fundit, Slavias së Pragës, një ndeshje e lehtë në letër kjo për verdhezinjtë.
Në lidhje me këtë ndeshje, Antonio Conte ka marrë një lajm të mirë, pasi Lionel Messi është lënë pushim nga trajneri Ernesto Valverde.
