Pas humbjes ndaj Manchester United ditën e djeshme, tashmë City i Guardiolas është në krizë.
Kampionët në fuqi janë 14 pikë larg Liverpool-it, ku humbja e djeshme ishte e katërta në këtë sezon, aq sa kishin pësuar gjatë gjithë sezonit vitin e kaluar.
Me 32 pikë në 16 ndeshje, ky është starti më i keq i sezonit në historinë e Guardiolës. Tek Barcelona, starti më i keq i tij ishte gjatë sezonit 2011/12, ku skuadra e tij grumbulloi 37 pikë në 16 ndeshjet e para. Ndërsa te Bayerni i Munihut kurrë nuk mori më pak se 40 pikë në po kaq ndeshje të fillim sezonit.
Në komentet e tij pas ndeshjes, duket se tekniku spanjoll ka dorëzuar dhe titullin kampion ku ka deklaruar: “Është normale të mos e fitosh Premier Ligën çdo vit”.
