Policia e pogradecit ka goditur një rast të shitjes së drogave të forta, konkretisht e llojit kokainë, si rezultat u arrestuan 5 persona dhe u procedohet në gjendje të lirë 1 shtetas tjetër.
Personat e vënë në pranga janë shtetasit me iniciale D.Xh., 20 vjeç; R.V., 23 vjeç; D.B., 20 vjeç; K.L., 20 vjeç, si edhe filloi procedimi penal në gjendje të lirë ndaj shtetasit E.Z., 17 vjeç, banues në fshatin Vërdovë, Pogradec.
Gjatë kontrollit të ushtruar nga uniformat blu në lagjen nr.1, Pogradec në mjetin tip “Audi” me drejtues shtetasin D.Xh., me të cilin këta shtetas po udhëtonin, iu gjet 525 gram lëndë e dyshuar narkotike e llojit kokainë, njoftojnë autoritetet.
Materialet i kaluan Prokurorisë të Rrethit Gjyqësor Pogradec për veprën penale “Prodhimi dhe shitja e narkotikëve, kryer në bashkëpunim”.
