Juventusi ka nisur kontaktet për të rinovuar kontratën e Paulo Dybalas, ku bardhezinjtë i ofrojnë 9 milionë euro me një kohëzgjatje deri në vitin 2024.- bëjnë të ditur mediat italiane.
Në merkaton e verës, argjentinasi, ishte i padëshiruar te Juventusi, ku u bënë tratativa të shumta për largimin e tij, me destinacione si PSG, Manchester United dhe Tottenham. Por ai mbeti në Torino dhe shumë vendosi edhe dëshira e tij për të mos u larguar.
Ndërsa në këtë sezon ai është golashënuesi më i mirë i skuadrës, duke fituar edhe një herë besimin e skuadrës.
Sipas “Sky Sport Italia” dhe “La Gazzetta dello Sport”, kërkesat e Dybalas për sa i përket pagës është 10 milionë euro, jo larg ofertës së Juventusit, dhe një marrëveshje mund të arrihet lehtësisht.
