Katër drejtues të Prokurorive në rrethe kanë dhënë dorëheqjen dy ditë më parë në mënyrë të papritur, ndërsa tashmë pritet zëvendësimi i tyre pas urdhrit të Prokurorit të Përgjithshëm, Adriatik Llalla.
Katër prokurorët e dorëhequr janë ai i Lezhës, Përparim Vukaj; Përmetit, Silvana Pani; Tropojës, Artan Shtrungza dhe Dibrës, Esmeralda Cami. Nuk dihen arsyet e këtyre vendimeve apo nëse kanë lidhje me reformën në drejtësi këto ndryshime por fakti që kanë dhënë dorëheqjet brenda një dite ka sjellë habi.
Ndërkohë që flitet se ka qenë kryeprokurori Llalla që iu ka kërkuar të dorëhiqen. Pas kësaj, të 4 ish-drejtuesit e institucionit të akuzës në këto rrethe mësohet se do të transferohen në Prokurorinë e Krimeve të Rënda.
(Boldnews)
