Në mbledhjen e Këshillit të Ministrave të zhvilluar mëngjesin e sotëm për marrjen e masave për përballimin e pasojave të tërmetit, kryeministri Edi Rama urdhëroi që palestrat në zonat urbane duhet të zbrazen urgjentisht dhe refuzimi nuk pranohet kurse në zonat rurale refuzimi është i pranueshëm se duan kontakte me kafshët, blegtorinë.
“Palestrat në zonat urbane duhet të zbrazen urgjentisht dhe janë për fëmijët e shkollave, nuk janë për të mbajtur njerëzit me muaj atje. Kurse për banorët e zonave rurale, refuzimi është i pranueshëm se duan kontakte me kafshët, blegtorinë. Kurse për banorët e tjerë nuk pranohet refuzimi të mos shkojnë në hotele, sepse ata intoksinojnë, thithin si magnet dhe të tjerë dhe shërbejnë si ushqim për “peshkaqenët” e mediave.” – u shpreh Rama.
