Dy pallate dyshohet të jenë shembur në Thumanë për shkak të tërmetit të fuqishëm që goditi vendin mëngjesin e sotëm.
Sipas informacioneve paraprake, dyshohet se disa persona janë plagosur ndërsa mund të ketë edhe viktima por ende nuk ka një konfirmim zyrtar nga autoritetet.
Aktivisti Aulon Kalaja ka dhënë alarmin SOS dhe ka kërkuar ndihmë për Thumanën. Sipas tij, dy pallate janë shembur nga tërmeti.
“SOS:
Dergoni mjete dhe ndihma në THUMANE.
Janë shembur 2 pallate 5-kateshe.
Po bertasin njerezit nen rrenoja.
Kush te mundet te niset drejt Thumanes.”, shkruan Kalaja në profilin e tij.
Kujtojmë se tërmeti ishte me magnitudë 6.4 të shkallës Rihter. Banorët kanë braktisur shtëpitë, disa mure janë shembur në Astir ndërsa situata dramatike është edhe në Durrës ku është shembur shtesa e një pallati.
