Nënkryetari i Partisë Demokratike, Edi Paloka, reagoi sot lidhur me paketën anti-KÇK të prezantuar nga Kryeministri Edi Rama, gjatë një aktiviteti politik të Partisë Socialiste. Në sallën e mbushur me deputetë, kryebashkiakë, drejtues të PS, pjesëtarë të administratës publike, ka tërhequr vëmendjen prania e deputetit socialist Rrahman Rraja. Kjo ka tërhequr vëmendjen, po të kihet parasysh fakti se i afërmi i deputetit akuzohet dhe është arrestuar lidhur me atentatin ndaj prokurorit Arjan Ndoj, ndërsa i biri i ligjvënësit ka probleme me drejtësinë.
“Do të ishte një “Stand up comedy” ne se ai që po jep “shfaqje” prej orësh, nuk do të ishte në karrigen e Kryeministrit të vendit të cilin ai dhe askush tjetër e ka kthyer në parajsën e kriminelëve dhe oligarkëve.
Në fakt edhe sot komentet janë të tepërta, mjafton të shohësh “auditorin”.
Rama po i shjegon Rrahman Rrajës se si do të zhdukë foletë e krimit, ndërkohë që nipi i Rrajes akuzohet për atentat ndaj një prokurori (të kërcënuar nga Rama) dhe i biri për përdhunim”, shkruan Paloka.
