Nënkryetari i Partisë Demokratike, Edi Paloka, ka paralajmëruar Kryeministrin Edi Rama, pas deklaratave të zyrtarëve të Rilindjes për marrjen e nismave lidhur me ndryshimet Kushtetuese.
Paloka shkruan në rrjet se ëndrrat me ndryshime kushtetuese për të kthyer diktaturën do të kthehen në makth dhe do ti rezervojnë atij fatin e çdo diktatori në Europë.
Nisur nga thirrjet “Rama ik” edhe në stadiumin e Korçës, Paloka shkruan se kjo është britma që ushton kudo.
“I vetmi ndryshim që kërkojnë dhe presin shqiptarët është largimi i Ramës. Sa më shpejt të ikë, aq më mirë për shqiptarët, po dhe për atë vetë”, shkruan Paloka.
Sipas tij, tashmë, Rama e ka “fituar” një faqe në histori, do të kujtohet si njeriu që bëri spastrimin më të madh të shqiptarëve nga vendi i tyre.
