Një automjet policie, ku raportohet se ndodhej edhe shefi i Grupeve të Gatshme të Elbasanit, Enver Muça, u përfshi në një aksident.
Raportohet se Muça ka mbetur i lënduar dhe është transportuar drejt spitalit rajonal, në repartin e kirurgjisë.
Sipas policisë, mjeti i patrullës është goditur nga një tjetër automjet.
Policia thotë se si pasojë e përplasjes ka pasur vetëm dëme materiale, edhe pse raportohet se drejtuesi i lartë i policisë lokale ka përfunduar në spital, jashtë rrezikut për jetën.
