Blogerja e njohur Armina Mevlani, njëkohësisht edhe partnerja e djalit të ish-kryeministrit Berisha, dhe këngëtarja Rezarta Shkurta patën mes tyre një sherr para disa muajsh të nxitur nga vetë Sali Berisha ku publikoi një foto në të cilën shkruhej: “Për 20 kg kokainë bëri vetëm 3 vjet burg.”
Shkak u bë një postim i ish Kryeministrit Sali Berisha ku akuzonte Ermal Hoxhën, bashkëshortin e Rezartës si narkotrafikant. Rezarta nga ana tjetër iu kundër përgjigj duke i thënë të merrej me djalin e vetë, Shkëlzen Berishën. Shkëlzeni deklaroi se do t’a ndiqte çështjen në gjykatë por tashmë duket se gjërat janë rregulluar mes dy familjeve.
Menjëherë pas postimit të Berishës, reagoi edhe vetë Rezarta në disa postime në rrjetet sociale ku më pas zgjatën gjatë replikat edhe me Arminën.
Mbrëmjen e djeshme në premierën e komedisë “Falco”, Rezarta e cila shoqërohej nga bashkëshorti, Ermal Hoxha është fotografuar nga Blitz.al në shoqërinë e Armina Mevlanit, të fejuarën e Shkëlzenit. Dy bukuroshet e showbiz-it qëndruan për disa çaste pranë njera-tjetrës dhe gjithçka duket se shkoi për mrekulli, biseda e perqafime.
