Pas ekipit përfaqësues, një tjetër duel interesant pritet të tërheq vëmendje në kryeqytet. Derbi Partizani-Tirana do të luhet në stadiumin e ri “Air Albania”, me klubin e kuq që ka gjetur dakordësinë me Federatën Shqiptare të Futbollit sa i përket detyrimit financiar.
8 mijë euro është shumë që Partizani do të paguaj për të zhvilluar derbin në impiantin e ri. FSHF ka vendosur që të përgjysmojë çmimin për qiranë e stadiumit duke marrë parasysh kostot e larta dhe situatën financiare të klubeve. Ndryshe nga e kaluara, derbi i 5 dhjetorit pritet të ketë prani të madhe të tifozëve që këtë herë nuk do të kushtëzohen nga kapacitetet e stadiumit.
