Ish-deputeti socialist Andis Harasani ka ironizuar mënyrën e zgjedhur nga Kryeministri Edi Rama për inaugurimin e stadiumit të ri “Air Albania”.
Harasani shkruan se një qeveri normale do e kishte inauguruar stadiumin me 1 miqësore me Kosovën. Në këtë kuadër, ish-deputeti shprehet se gëzimi ndahet me vëllain. Por sipas tij, këtë s’mund t’a bëjë qeveria e fasadave.
Dje në stadiumin “Air Albania” u luajt ndeshja e fundit në grupet për Euro 2020 mes Shqipërisë dhe Francës. Takimi u parapri nga një spektakël, që u shoqërua me thirrjet “Rama ik” nga qindra tifozë të pranishëm në stadium.
Ndërkohë që gjatë ndeshjes, ajo që ra në sy ishte cilësia e fushës, ku bari krijoi gropa. Kjo nuk i ka shpëtuar as komentatorëve francezë.
Komentatori i kanalit TF1 do të shprehej “lojtari ështe i detyruar të bëj kopshtarin” duke iu referuar barit që nuk është shtruar mirë.
