Opozita i është përgjigjur pozitivisht ftesës së Presidentit Meta, i cili kërkoi takim me të gjithë kryetarët e Partive Parlamentare që braktisën Kuvendin në shkurt 2019, për të diskutuar lidhur me situatën dramatike ku ndodhet vendi.
Kështu ditën e martë presidenti Ilir Meta do të zhvillojë takim me të gjithë krerët e partive opozitare. Takimi i kërkuar nga Presidenti Meta për ngërçin e Gjykatën Kushtetuese, por pjesë e diskutimeve do të jetë edhe edhe situata aktuale politike në vend.
Ditën e djeshme presidenti Meta zhvilloi një takim me deputeten Rudina Hajdari, e cila në një postim në rrjetet sociale u shpreh se i ka kërkuar kreut të shtetit që të ndalin urgjentisht lojën e vjetër dhe të shëmtuar politike e cila ka vënë në shënjestër institucionet e drejtësisë me qëllim delegjitimimin e tyre.
