Antoine Griezman ka folur për vështirësitë që po has në adoptimin te Barcelona qëkur erdhi nga Atletico e Madridit në merkaton e verës.
Fituesi i Kupës së Botës, u pyet rreth jetës me ekipin e Barcelonës, në një intervistë pas ndeshjes së djeshme ku Franca fitoi 2-1 ndaj Moldavisë.
Griezman luan në një pozicion qendror te skuadra e Francës, të njëjtin rol që kishte dhe te Atletico e Madridit dhe shpjegoi se e ka më të lehtë dhe jep më shumë në atë rol, se sa nga krahët siç luan për Barcelonën.
“Është e qartë se kur luaj në qendër është më mirë për mua. Është natyra ime aty, ku kam luajtur gjatë gjithë karrierës”.
“Por tani jam në një ekip të ri, duhet të përshtatem, ku akoma po mësoj. E dija që në fillim kur erdha që do të ishte shumë e vështirë”.
