Një situatë aspak e zakontë ajo me të cilën u hasën dhjetëra qytetarë këtë të enjte, në Sheshin Skënderbej, në kryeqytet.
Dëshmitarë thanë se një qytetar ishte duke protestuar, kur pranë tij u afruan dy burra të veshur civilë. Ata u prezantuan si punonjës policie dhe kërkuan ta shoqëronin protestuesin në komisariat, duke i thënë se kishte shkelur ligjin.
Ky i fundit ka kundërshtuar dhe mes palëve ka pasur një përplasje.
E gjithë skena zhvillohej në sytë e qytetarëve, të cilët u ndalën për të parë skenën e pazakontë në mes të Tiranës.
