Deputeti Lefter Maliqi këtë të enjte nga Vizion Plus është shprehur se nuk ka besim që do të bëhen ndryshime në Reformën Zgjedhore pasi sipas tij, mazhoranca kërkon vetëm arnim të saj. Maliqi është shprehur se reforma zgjedhore mazhoritare do të ishte dhe zgjidhja e duhur për vendin, pasi është një lloj vettingu për politikën.
“Reforma zgjedhore mazhoritare është një lloj vettingu në politikë. Kur ka qenë sistemi mazhoritar ka pasur tamam profesionistë pa të shkuar kriminale pas 2005 kemi një tjetër pamje të parlamentit, kemi deputetë që nuk dinë të lexojnë, të kapur nga krimi dhe jo profesionistë. Nuk besoj se reforma zgjedhore mund të realizohet vetëm nëse ndërhyjnë ndërkombëtarët, pasi mazhoranca thjesht po bën arnime në kod.”
Zgjedhjet e parakohshme sipas Maliqit janë e vetmja zgjidhje që i duhet Shqipërisë, për të bërë të mundur pastrimin e parlamentit të kapur nga krimi.
“Zgjedhjet e parakohshme për interesin e vendit, jam që parlamenti të shpërndahet për shkak të nivelit të ulët të deputeteve, për shkak të kapjes së parlamentin dhe për shkak të listave të mbyllura te deputeteve. Zgjedhjet e parakohshme besoj se mund të jenë zgjidhje, se nëse fiton opozita e bashkuar, jo PD, pasi nuk fiton e vetme por bashkë me LSI-në dhe aleatët e tjerë dhe zhgënjimi i socialisteve janë e mira e vendit, këtë e di mirë Rama ndaj po i shtyn sa të mundet.”
Gjithashtu Maliqi u shpreh se votimi i dy emrave të Kushtetueses ishte një marrëveshje mes mazhorancës dhe opozitës.
Në fjalën e tij deputeti është shprehur se ata nuk kishin mundësi për të zgjedhur dhe se emrat ishin përcaktuar, pasi sipas tij kur ka shkuar në parlament, ka dëgjuar se si flitej me disa nga deputetet e opozitës së re dhe bëhej marrëveshje për votat e emrave të përcaktuar.
“Shkova në parlament dhe po dëgjoja fjalët për votimin e anëtarëve të kushtetueses. Në një debat me opozitën e re që mund të jenë 5 ose 6 deputetë që i shërbejnë opozitës së bashkuar dhe socialisteve, të tjerët janë nën pushtetin e mazhorancës. Me parlamentin e Shqipërisë nuk mund të isha pjesë e atij pazari. Unë jam dakord që të ngrihet kushtetuesja por sipas ligjit. Mazhoranca e kishte vendosur tashmë për kë të votosh. Do merrja pjesë në votim nese do të kishte tre emra dhe kur të zbatohej proceduara ‘President-Parlament.”
Gjithahstu ai është shprehur se është dakord me të gjithë vendimet e presidentit Meta, duke filluar që nga çdekretimi i zgjedhjeve të 30 qershorit.
