Është identifikuar personi që ndërroi jetë nga goditja e rrufesë sot në Lagunën e Karavastasë. 46-vjeçari që humbi jetën është identifikuar si Agim Shkoza. I ndjeri kishte dalë për të peshkuar mbrëmjen e djeshme, por një rrufe e goditi fatalisht duke e lënë pa jetë.
Njoftimi i Policisë
Divjakë
Informacion paraprak
Në orët e para të mëngjesit, në Lagunën e Karavastas është gjetur pa shenja jete shtetasi Agim Shkoza, 46 vjeç, banues në Divjakë.
Nga veprimet e para hetimore rezulton se ky shtetas ka qënë duke peshkuar me varkë në lagunën e Karavastasë dhe gjatë natës dyshohet të jetë goditur nga një shkarkesë elektrike (rrufe).
Po kryhen veprimet proceduriale dhe hetimore për zbardhjen e plotë të ngjarjes.
