Një aksident i rëndë ka ndodhur këtë mesditë në aksin Lezhë-Shkodër. Sipas informacioneve paraprake, një automjet ka përplasur një motor dhe për pasojë ka ndërruar jetë drejtuesi i motrit. Viktima 61 vjeç mësohet se ka ndërruar jetë në vend.
Policia dhe grupi hetimor ndodhen në vendngjarje dhe po hetojnë mbi shkaqet dhe rrethanat e aksidentit, ndërsa drejtuesi i automjetit është shoqëruar në komisariat për veprime të mëtejshme hetimore.
Njoftimi i Policisë
“Në aksin rrugor Lezhë-Shkodër, tek vendi i quajtur ‘Kryqëzimi i Balldrenit’, mjeti me drejtues shtetasin M.Sh., është përplasur me motoçikletën me drejtues shtetasin Z.S., 61 vjeç, banues në Torovicë, Lezhë, i cili për pasojë ka humbur jetën. Drejtuesi i mjetit M.Sh. është shoqeruar në ambjentet e Komisariatit të Policisë Lezhë për veprime të mëtejshme Grupi hetimor vazhdon veprimet në vendngjarje për sqarimin e rrethanave të aksidentit”, thuhet në njoftimin paraprak të policisë, lidhur me ngjarjen.
