Tetë shqiptarë u gjendën në bordin e një jahti në Britaninë e Madhe, në një tentativë për të hyrë ilegalisht në ishull.
Jahti po mbahej në survejim nga Forcat Kufitare Seeker si edhe nga një helikopter bregdetar, dhe më pas u shoqërua në bazën detare të Portsmuth në Hampshire.
Shqiptarët u gjetën në bord dhe çështjet e tyre tani do të trajtohen në përputhje me rregullat e imigracionit në Mbretërinë e Bashkuar.
Drejtuesi i jahtit, një shtetas 64-vjeçar britanik po merret në pyetje nga hetuesit e NCA.
Shtetasi britanik është ndaluar dhe pritet të dalë para gjykatës me akuzën se ka favorizuar emigracionin e paligjshëm.
